भाजीपाला : औषधीय (अल्पायू व नरम देठाच्या) वनस्पतीच्या ताज्या व खाद्य भागांना भाजीपाला ही संज्ञा आहे. खाद्य भागांत मूळ, खोड, पाने, फुले व फळे यांचा समावेश होतो. हे खाद्य भाग ताज्या स्थितीत अगर त्यांवर प्रक्रिया करून खाण्यासाठी वापरण्यात येतात. निरनिराळ्या खाद्य भागांच्या भाजीपाल्याची उदाहरणे पुढील आहेत. मूळ : बीट, गाजर, रताळे, मुळा, सलगम व टॅपिओका खोड : बटाटा, सुरण, नवलकोल आर्वी, गोराडू कंद : कांदा, लसूण पाने : कोबी, पालक, घोळ, अळू, मेथी, चाकवत इत्यादी. भारतात २०० पेक्षा जास्त वनस्पतींच्या पानांचा भाजीसाठी वापर केला जातो फुले : फुलकोबी, अगस्ता, केळफूल, शेवगा अपक्व फळे : वांगी, काकडी, शेवगा, मिरची, गवार, भेंडी, पडवळ, कारले वगैरे पक्व फळे : टोमॅटो, लाल भोपळा बिया : वाटाणा, घेवडा, वाल वगैरे. यांशिवाय बांबूच्या झाडांचे कोवळे अंकूरही काही लोक भाजीसाठी वापरतात.
